مفيش فايده :(

موضوع: مفيش فايده :( الأحد نوفمبر 13, 2011 10:17 am

مفيش فايده :(
انا عارف نفسي كويس ومتأكد ان مفيش فايده ;(
الشيطان فعلا أقوى منى وانا مش عارف اعمل حاجه :(
... خلاص بقى خليني زي ما انا وزي ما تيجي تيجي :((

استنـــــــى بـــــــس :)
اولا : مفيش حاجه اسمها مفيش فايده :)
ثانيا : اسمها مش قادر على نفسي مش على الشيطان .. لان الشيطان مكانش معاك فى رمضان ;)
ثالثا : انك لو خليتك زي ما انت .. انت الخسران مش حد غيرك :(

طب والحل؟؟؟!!!!!
الحل سهل وفـ ايدك :)
اولا: انك تنوى التوبه بجــــد من قلبك مش بس بالكلام :)

ثانيا : تكون ثقتك وحسن ظنك بالله وانه هيعينك ويساعدك اكبر من اي ذنب اوي معصيه :)
عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ، أَنَّهُ قَالَ : " قَالَ اللَّهُ عَزَّ وَجَلَّ : أَنَا عِنْدَ ظَنِّ عَبْدِي بِي ، وَأَنَا مَعَهُ حَيْثُ يَذْكُرُنِي ، وَاللَّهِ لَلَّهُ أَفْرَحُ بِتَوْبَةِ عَبْدِهِ مِنْ أَحَدِكُمْ يَجِدُ ضَالَّتَهُ بِالْفَلَاةِ ، وَمَنْ تَقَرَّبَ إِلَيَّ شِبْرًا تَقَرَّبْتُ إِلَيْهِ ذِرَاعًا ، وَمَنْ تَقَرَّبَ إِلَيَّ ذِرَاعًا تَقَرَّبْتُ إِلَيْهِ بَاعًا ، وَإِذَا أَقْبَلَ إِلَيَّ يَمْشِي أَقْبَلْتُ إِلَيْهِ أُهَرْوِلُ " . صحيح مسلم
في كرم من ربك حبيبك اكتر من كده ؟؟؟:)

ثالثا : لانك مسلم ومتأكد ان وعد ربك عمره ما هيضيعك تحط دايما قدامك الايه الكريمه ديه
(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

رابعا : تشغل نفسك دايما بذكر الله وطاعته لان نفسك لو مشغلتهاش بالطاعتات هتشغلك بالمعاصي :)

خامسا : تحاول تدور على صحبه جواها خير وقريبه من رب العالمين :)
علشان تعينوا بعض وتشدوا بعض لو حد لا قدر الله وقع في نص الطريق :)

سادسا : ادعـــــــــى كتيــــــــر :)
الدعاء بجد من اعظم واكتر الحاجات اللي بتقربك من ربك وتحسسك انك دايما في معيه الله :)

سابعا : اد ما تقدر حافظ على اذكار الصباح والمساء والنوم :)
لان تكرارهم كتير بيخليك تخجل انك تفكر في معصيه ربك ..وغير انهم اصلا بيحفظوك من اي شر :)

ثامنا : جدد دايما نيتك وقــــــول
(قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ)
علشان تفكر نفسك دايما انك مخلوق اصلا علشان تعبد رب العالمين وتطيعه :)

متيهيألي كفايه كده دلوقتي وخلونا نبدأ ونداوم بالحاجات ديه وربنا المستعان :)
اتفقنا يا احلى شباب وبنات مسلمين؟؟ :)

يلا بينا بقى دلوقتي نقونلبى نداء الرحمن ونصلي القيام :)
ايوه ديه فرصه نبدأ من هنا وندعى كتييييير ربنا واحنا س انه يقدرنا ويعينا :)

اخواني واخواتي في الله
قيام الليل اكرمكم الله
اجزاكم ربي الفردوس الاعلى :)

يعطيك العافيه

شكرااااا ع التوبيك

تسلم يمينك على المجهود المميز
.. بإنتظار جديدك القادم

» مفيش صاحب يتصاحب
» حصريا اغنيه كريم محسن - مفيش كلام عليه
» حصريا أكثر من ألف توقيع لجميع نجوم العالم (مفيش نجم مالوش توقيع )