بعد الجوائز العالمية التي حصدتها المخرجة والممثلة اللبنانية نادين لبكي من خلال أعمالها الفنية، وبعد فوزها بجائزة الجمهور في مهرجان تورونتو الدولي للفيلم عن فيلمها الجديد "وهلأ لوين"، حلّت لبكي ضيفة في برنامج "كلام الناس" الذي يقدمه الإعلامي مارسيل غانم على قناة الـ LBC بالإضافة إلى زوجها المؤلف الموسيقي خالد مزنر الذي شاركها في العمل عبر التأليف الموسيقي. "نادين لبكي رمت بنا امام التحدي الكبير ... انظروا ماذا يمكننا ان نفعل لمنع الحروب؟ انظروا كيف يمكن ان نسامح"، بهذه العبارة استهل غانم الحلقة، ليليها تقرير مصور عرض من خلاله بعض المقاطع من الفيلم. سأل غانم لبكي عن ما اذا كانت تحلم بجائزة الأوسكار لهذا العمل، فقالت: "انا ما بسترجي احلم هيك حلم هيدا حلم كتير كبير، ما كنت عارفة انو جائزة تورونتو بتساعد الفيلم انو بيوم من الايام يصير مرشح ليربح الجائزة .. نحنا جايين من بلد صغير، صناعة السينما فيه غايبة، الممثلين مش معروفين بالفيلم، انا مبلشة عن جديد والفيلم باللغة عربية، يعني ما كنا نحلم بس جائزة تورنتو خلتني بلش احلم"، وعن الفيلم قال المزنر: "اول ما بلشنا بالفيلم كنا عارفين انو عم نشتغل على شي حساس، شي مش لعبة، عم نفتح جروحات ناس، اشتغلنا عليه من قلبنا وروحنا لانو حامل رسالة كبيرة وهيه الوحيدة يلي فينا نقولها للعالم وتوصلها بصورة افضل". [ندعوك للتسجيل في المنتدى أو التعريف بنفسك لمعاينة هذه الصورة] وحول المسؤولية التي تحملها لبكي في هذا الفيلم قالت: "لما تكون عم تعمل فيلم عن لبنان بتكون حامل مسؤولية، ولما بتسمحلك الفرصة تحقق احلامك بفيلم، لازم تعمل فيلم بيحكي عنك، بيحكي عن هواجسك وتوصل فيه رسالتك"، حول الفيلم قالت: "بلشت احداث 7 ايار لما كنا عم بنفكر شو الفيلم الجاية يلي بدنا نعملوا، وصارت الأحداث وشفت الناس كيف صاروا اعداء، يعني الجيران يلي بياكلو مع بعض ويلي ساكنين مع بعض حملو سلاح على بعض، يعني في مثل بقول الدم ما بصير ميّ، ذكرونا وفرجونا انو الماضي ما عم ينتسى وما بدهم ينسونا وانو عنجد الدم ما بصير ميّ". وعن ما اذا كانت فعلاً ستخبئ ابنها في البير لتجنبه الانتقام كما فعلت في الفيلم، قالت: "كلشي عملوه النسوان بالفيلم انا ممكن اعملو، بقوصو باجرو حتى ما يحارب ويشارك بالحرب، وكرمال ما يدافع لا عن الدين ولا عن الحزب ولا عن الشارع ولا عن عيلة"، وعن تعظيم دور المرأة في الفيلم قال مزنر: "مافينا ننكر انو الرجال بيعملوا الحروب، دايما بنظرتنا المرأة بتودع الرجل الرايح على الحرب، غريزة الرجل التاريخية الصيد والقتال بينما الأم لديها غريزة الحنان وتربية الطفل، الرجل عنفي، ونادين فرجت الخيار الثاني، الفيلم ما بيدعي انو النساء تسيطر على العالم وتحط الرجال على جنب أبداً". وعن الضيعة التي تدور فيها الأحداث قالت:" الضيعة يلي بصير فيها الأحداث هيه الضيعة يلي انا بحب اعمل فيها شي، يعني الضيعة المثالية، النساء وعيت على مسؤوليتها، انا كأم شو بعمل، شو واجبي اعمل، لازم جنب ابني يشارك بالحرب .. نحنا مجتمع قابل للانفجار ونحنا كشعب قادرين اذا سمعنا انو بالحي التاني في شخصين عم يتخانقو وبنفس الخط معنا منعمل متلهم .. يعني انا عم حاول قول كنت الخارج بأثر على الداخل بشكل كبير"، وعن تحييدها رجال الدين عن الدور الذي يلعبونه عادة في الصراعات قالت: "رجال الدين بالفيلم شاركوا مع النساء للوصول إلى السلام وخليتهم يعملوا غير يلي بيعملوه بالحياة لأنو انا بشوف انو هيدي الضيعة النموزجية يلي بحلم فيها". وحول مشهد رقص النساء في بداية الفيلم قال مزنر: "كان مكتوب السيناريو، وانا كتبت الموسيقى على اساسه وفكرنا بطريقة التقديم والتصوير، والمشهد مصور بالطيبة بالبقاع، كان تصوير هذه اللقطعة رائع .. الموسيقى مستوحات من طقوس دينية شرقية وغربية والرقصة فيها إيحاءات لطقوس دينية ايضاً"، واضافت لبكي: " كتبت المشهد لأنو براسي بعدها صورة النسوان يلي لابسين اسود ويلي فقدوا ولادهم وكيف تصرفوا، لطم وضرب وتخزيق الثياب، هيدي الصورة ما بتروح من راسي، النسوان كيف بتكفي تعيش بعد يلي بصير معها؟ كيف بيحكوا وبغسلوا وجهم الصبح.. من وين بجيبوا القوة ليكفوا ؟؟ هيدا العمل تكريم لجميع النساء يلي اتحملوا وقدموا وبعدهن مستمرين" [ندعوك للتسجيل في المنتدى أو التعريف بنفسك لمعاينة هذه الصورة] وعن أغنية التحشيش الواردة في الفيلم قال مزنر: "ايقاع الموسيقى سلافي روسي، من كلمات تانيا صالح، وعملنا هيك موسيقى خصيصاً لانو في اوكرانيات بالمشهد"، وعن مشهد تحطيم تمثال العذراء قالت لبكي: "ليش نحنا عنا الجرأة نحط على نشرة الأخبار تكسير تمثال العذراء وليش منتقبلو .. بس لما منحطوا بفيلم منرفضو، بالفيلم عم بنعالجو ونقول انو مش لازم يصير هيك .. هيدا موضوع الفيلم، بكفي نتخبا ورا اصبعنا ونكذب، نحنا كشعب منعمل هيك، كل جمعتين منسمع انو في تمثال تكسر"، وعن شخص العذراء في حياة لبكي قالت: "تمثال العذراء بحياتي انا شخصياً كتير مهم، والعذراء بحسها ديماً محوطتني، انا بحكي مع العذراء بعنف وانا بحكي معها بعلاقة ام لأم تانية"، واضافت: "قمّة الايمان في المشهد الذي حملت فيه احداهن مسؤولية موت ابنها للعذراء .. بعد ما قالتلو العذراء تحرسك". وعن مشهد خرزج الدم من العذراء قالت: " انا بالفيلم ما عم علم الناس تنكر دينها .. عم فرجي انو لازم الناس تتقبل دين الآخر وتتقبل تعبيرهم عن ايمانهم ومعتقداتهم". وخلال الحلقة أدمعت لبكي وقالت أنها تشعر أن رسالة الفيلم قد وصلت وتفكر بجميع الأمهات اللواتي فقدن أبناءهن، وعن مشهد الحب بين الفتاة المسيحية والشاب المسلم قالت: "تركت قصة الحب بين المسيحية بمسلم، لانو ما كانت هيدي المشكلة الاساسية، اكيد الزواج والعلاقات من هل نوع موجودة، ومنلاقي مشكلة قبل ما نقول عن هيك علاقة، يعني فرجينا انو هيك بصير وما طولناها لأنو مش هيدي قصة الفيلم الأساسية". [ندعوك للتسجيل في المنتدى أو التعريف بنفسك لمعاينة هذه الصورة] وختمت لبكي: "طالما عندي غضب من جوه وثورة لح جرب كفي وهيدي يلي عم بخليني اكتب وعبر عن وجهت نظري، وهيدي الشغلة يلي بعرف اعملها". [ندعوك للتسجيل في المنتدى أو التعريف بنفسك لمعاينة هذه الصورة]
منقوووووووووول
كبرياء وشموخ |سارونهـ ماسـي|
~[ عدد المشاركات [~ : 1014 ~[ تاريخ الميلاد [~ : 06/09/1988 ~[ تاريخ التسجيل [~ : 06/09/2011 ~[ العمر[~ : 36
موضوع: رد: بسبب وهلأ لوين نادين لبكي تدمع على الهواء الإثنين أكتوبر 17, 2011 3:04 pm
موضوع: بسبب وهلأ لوين نادين لبكي تدمع على الهواء 
الخميس سبتمبر 22, 2011 5:08 pm