عندك تجاعيد وانتى لسه فى العشرينات او التلاتينات تعالى هنا

السلام عليكم ورحمه الله وبركاته

1-نفهم الاول سبب التجاعيد او الخطوط الرفيعه الرئيسى "فى السن الصغير" وهو التلوث والشمس والشوارد الحره وجفاف البشره نتيجه مستحضرات التجميل الرخيصه او العلاجات الغلط....طيب ايه هى الشوارد الحره دى هقولكم دى ذرات بتتأكسد على سطح الجلد نتيجه للشمس وبتسبب ضرر كبيررررررررررررررر جدا للبشره وبتزود عمرها وبتسبب ان الخلايا يحصلها ضمور عشان كده لازم نتسخدم دايما كريم مضاد للشوارد الحره او الاكسده وناخد فيتامينات فيها مضادات الاكسده دى عشان نحارب اضرار التلوث والخطوط الرفيعه والتجاعيد وطبعا لازم نستخدم صن بلوك مناسب بيحمى البشره من الشمس وفى نفس الوقت فيه مواد مضاده للاكسده

2
- النظام ده نتيجته كالاتى
100% اختفاء للخطوط لغايه سن 25 سنه فى وقت اقصاه 3 شهور
فوق 25 سنه هتاخد وقت اطول بس هيبقى فى حدود 80% فى 3 شهور
من 30 وانتى طالعه هيتحسن بنسبه من 40% ل 80% على حسب السن ونوع البشره ومدى الضرر اللى فيها

نيجى بقى للحاجات اللى هنتفق عليها مع بعض
1- الالتزام ثم الاتزام ثم برده الالتزام
2- شرب مياه كتير جدااااااااااااااااااا
3- طبق سلطه او خضار كبير فى اليوم او فيتاميناتك زى متحبى
4- تجنب الشمس على قد منقدر حتى مع الصن بلوك

ثانيا:
المشتريات
1- غسول نوع كويس وبفضل هنا غسول العنب المضاد للاكسده من اوريفليم 29 جنيه
او لو هيبقى غالى نوعا ممكن نجيب صابونه دوف 5 جنيه

2- تونر العنب من اوريفليم 22 جنيه
والبديل بتاعه ماء الورد من العطار على ازازه مياه معدنيه ب 2 جنيه واحلى تونر عملتيه بايدك وبيبقى فيه معادن مهمه للبشره من المياه المعدنيه يعنى تغذيه ونقاء مش زى الجاهزه اطلاقا

3- زيت ورد ماركه الكابتن او من عطار ثقه 5جنيه......زيت جنين قمح الكابتن ب 8 جنيه ممكن تجيبى سايب بس لو واثقه اوى اوى اوى فى العطار

4-جلسرين وفازلين من العطار او الصيدليه

5-صن بلوك نوع كويس لو بتخرجى فى الشمس واساسى يكون فيه مواد مضاده للاكسده وبتحافظ على البشره وانا بفضل صن كلينك اس بى اف 60 "باعتبار اننا فى الشتاء 60 كافى " ب 47 جنيه لو انتى فى بلد حاره زى اسوان مثلا يبقى اس بى اف 90 ب 59 جنيه

6- اساس النظام بقى كريم ديرما كلينك انتى رينكلز "وده كريم مضاد التجاعيد وهو الخطوه الرئيسيه الحجات التانيه كلها مساعده على العلاج " ب 75 جنيه

لو مش هتخرجى فى الشمس يبقى بدل الصن كلينك هاتى ديرما كلينك موتشريزنج كريم ب 34 جنيه او كريم الليل من مجموعه العنب من اوريفليم او ممكن تكتفى ب كريم التجاعيد للصبح وبليل لكن انا بفضل تجيبى الكريم المرطب للصبح لان افضل استفاده من كريم التجاعيد بليل واحنا مش عايزين نهدر الكميه بتاعت الصبح دى على الفاضى.

الاستخدام بقى:

الصبح طبعا الغسول مع التونر يتوزع بقنطه نظيفه
ونحط الصن كلينك قبل الخروج ب ربع ساعه تقريبا والا ولا ليه اى لازمه
وطبعا ياريت فى وسط النهار تغسلى وشك مره او اتنين وتحطى الصن كلينك تانى
بعد مترجعى البيت تغسلى وشك برده
ومتحطيش التونر
هتحطى الكريم الظريف ده واللى هتعمليه بنفسك فى البيت
تجيبى حاجه معدن كده وفى حمام مائى وعلى النار وجواه 4 معالق فازلين كبار +معلقه صغيره جلسرين+زيت الورد وزيت جنين القمح معلقه كبيره من كل واحد وممكن تقسمى المكونات دى للنص او الربع براحتك وفى علبه حلوه كده وفى التلاجه

لو قاعده فى البيت بقى نفس الخطوات بس الصبح هنحط ديرما كلينك موتشريزنج كريم وده بيعيد بناء الطبقه الدهنيه فى الجلد يعنى ينفع اوى للى عندها جفاف شديد فى البشره مع التجاعيد

اخيرا بقى والخطوه الرئيسيه
كريم ديرما كلينك انتى رينكلز وده بليل وطبعاااااااااااااا له طريقه معينه تحطيه بيها
توزيعه كالتالى
1- لو الخطوط فى الجبهه يبقى من اليمين للشمال
2-حوالين العين يبقى من بره لجوه
3- حوالين الفم يبقى من تحت لفوق
و نحط كميه متوسطه وبطريقه الطبطبه "بلاش دعك وفرك فى الوش الله يخليكم" نحطه برااااااحه خالص
وكده نبقى خلصنا الروتين ومتنسوش تنامو 8 ساعات كل يوم

ثاااااااااانكـــــــــــس علــــــــي مجهووووووود الرائعــــ دهـ

» من 1لـ5 وقول منو اغلى عضو عندك
» لو عندك قطعة فحم شنو بتكتب على الجدار ..
» الله تعالى أحق أن تستحى منة
» محجبه جديد تعالى دة ليكى
» سجل حظورك بأسم من أسماء الله تعالى