اتعلـــــم كـــــل يــــــوم اكلــــــه جديــــــده "نجرسكو "

[ندعوك للتسجيل في المنتدى أو التعريف بنفسك لمعاينة هذه الصورة]

♥♫♥♫♥♫ فراخ تكا ♥♫♥♫♥♫

المكونات

دجاجه مخليه - 2 معلقه عصير لمون- 2 خل - 3 فصوص توم مطحون - ربع معلقه ص كركم - معلقه ص زنجبيل بودرة - نص معلقه حبهان - 2 معلقه ك صلصه - كوب ذبادى - 4 معالق زيت زيتون - معلقه كسبرة خضرا - ربع معلقه ص ببريكا - معلقه ص كمون - ماء بصل

الطريقه

نحط الفراخ فى التتبيله 4 ساعات ونشويها على الشوايه او ممكن تحت شوايه الفرن

[ندعوك للتسجيل في المنتدى أو التعريف بنفسك لمعاينة هذه الصورة]

♥♫♥♫♥♫ رقاق طرى بالفراخ ♥♫♥♫♥♫

المكونات

نص كيلو رقاق طرى او 8 قطع- نص كيلو قطع فراخ - قرن فلفل حامى - كوب بشامل - كوب جبنة موتزاريلا - طماطماية مقشرة ومقطعة مكعبات - بصلة - قرن فلفل رومى اخضر - لتر شوربة ساخنة - 3معالق زيت - نص كوب مشروم

الطريقة

على النار الزيت والبصل نحمرة شوية ثم نضع قطع الفراخ وملح وفلفل لمدة 10 دقائق ونترك الحشو جانبا

ننزل اول طبقة من الرقاق فى الشوربة ونطلعها على طول ونحطها فى صينية الفرن

نكرر العملية لحد ما يبقى عندنا فى الصينية 4 طبقات ونضع كل الحشو ونضع باقية الطبقات فى الشوربة ونضعها فوق الحشو

نقطع الرقاق الى مربعات او مثلثات ونضعة فى الفرن على درجة 200 لمدة 20 دقيقة وتقدم ساخنة

ممكن نحط الحشو بطريقة مختلفة يعنى بين كل طبقة شوية من الحشو زى الصورة دا حسب الرغبة

[ندعوك للتسجيل في المنتدى أو التعريف بنفسك لمعاينة هذه الصورة]

دجاج بالجبن

المكونات

نص كوب جبن كريمى - معلقه زعتر - 4صدور دجاج - 2 بيض- 2كوب رقائق ذره مطحونه - زيت للقلى - 4 عدد خله

الطريقه

يفتح صدر الدجاج من الجمب (زى الفينو) ويحشى بالجبنه مع الزعتر ويقفل بالعود الخشب يكرر العمليه مع الباقى

ثم يوضع فى البيض المخفوق ثم الرقائق المطحونه ويوضع فى الفريزر لمدة نص ساعة ثم يحمر فى الزيت ويقدم ساخن

[ندعوك للتسجيل في المنتدى أو التعريف بنفسك لمعاينة هذه الصورة]

سلطة بابا غنوج

المكونات

كوب ذبادى - 2 ثمرة باذنجان - 3 فصوص ثوم - 3 معالق كبيرة خل - لمونه كبيرة -

معلقه صغيرة ملح - نص معلقه فلفل - كوب طحينه - حزمه بقدونس - معلقه صغيرة كمون - 3 معالق زيت - نص كوب ماء دافئ - نص معلقه شطه

الطريقه

نشوى الباذنجان فى الفرن او على النار ونقشره ونقطعه مكعبات صغيرة جدااااااااا ثم نهرسه بالشوكه

فى طبق نضع الطحينه والخل ونقلب ثم نخفق كوب الذبادى ونضعه عليه مع الثوم المفروم
ونضع عصير اللمون والملح والفلفل والشطه والكمون والماء

ونقلب الطحينه مع الباذنجان ونضيف البقونس المفروم

[ندعوك للتسجيل في المنتدى أو التعريف بنفسك لمعاينة هذه الصورة]

اصابع الباذنجان المقرمشه

المكونات

ك باذنجان اصابع - ملح - 3\4 كوب دقيق - نص كوب دقيق ذره- 2بيض- معلقة ص بيكنج بودر- نص معلقة بابريكا- نص كوب لبن - فلفل اسود- زيت للقلى

الطريقة

يوضع الباذنجان مع الملح لمدة ساعة ليفقد كمية من الماء

يخلط البيض واللبن وملح وفلفل - فى طبق اخر الدقيق ودقيق الذرة والبابريكا والبيكنج بودر

يوضع الباذنجان فى البيض واللبن ثم خليط الدقيق ويحمر فى زيت غزير

[ندعوك للتسجيل في المنتدى أو التعريف بنفسك لمعاينة هذه الصورة]

كفتة فراخ

المكونات

كيلو فراخ بدون عظم - بصله كبيرة مفرومه - بطاطسايه كبيرة مسلوقه ومهروسه - 2

معلقه صغيرة ملح ونص معلقه فلفل اسود - نص معلقه بهارات - معلقه صغيرة كارى

- كوب دقيق - 2 بيض مخفوق مع ملح وفلفل - كوب بقسماط معاه رشه ملح وفلفل و بابريكا - زيت للقلى

الطريقه

نفرم الفراخ مع البصل و نضيف الملح والفلفل والبهارات والكارى ونقلب البطاطس معاها

ونعملها كور او اصابع وبعدين نحطها فى الدقيق ثم البيض ثم البقسماط لو كانت طريه اوووى ممكن نحطها فى الفريزر قبل ما نحطها فى الدقيق والبيض والبقسماط

بعد كدة نحطها فى الفريزر ساعه ساعتين ونحمرها فى الزيت

[ندعوك للتسجيل في المنتدى أو التعريف بنفسك لمعاينة هذه الصورة]

كفتة الجمبرى

المكونات

ك جمبرى - 2 فص توم - 2 فلفل حار مفروم - 2 معلقه جنزبيل اخضر مفروم - 2 بصله-

2 طماطم من غير قشر ومقطعه مكعبات صغيرة - 2 معلقه معجون كارى اخضر - 2 معلقه معجون كارى احمر - 2 كوب شوربه

الطريقه

نفرم فى المفرمه الجمبرى و بصله واحدة و نص الكميه من الفلفل والتوم والجنزبيل ونحط ملح وفلفل عليه بعد ما يتفرم

نعمله كور وفى طاسه شويه زيت و ذبده ونحمرهم شويه وفى طاسه تانيه التوم والبصل الباقيين لما يدبل نحط الفلفل والجنزبيل و نوعين الكارى والطماطم والشوربه ونسيبه يتكاثف وبعدين ننقل الكفته ونسبها تستوى معاه لمدة 10 دقائق

[ندعوك للتسجيل في المنتدى أو التعريف بنفسك لمعاينة هذه الصورة]

كرات اللحم المقرمشه

المكونات

كيلو لحم مفروم مضاف له( معلقه صغيره بهارت - ملح وفلفل - نص معلقه صغيرة قرفه - بصله مفرومه ناعم )
3 بيض مخفوق - كوب بقسماط - كوب دقيق - زيت للقلى

الطريقة

تشكل كرات من الكفته ثم توضع فى الدقيق ثم البيض ثم البقسماط

وتوضع فى الفريزر 10 دقائق وتقلى فى الزيت

[ندعوك للتسجيل في المنتدى أو التعريف بنفسك لمعاينة هذه الصورة]

نجرسكو

المكونات

نص كيلو صدور فراخ مقطعه مكعبات - 3 معالق ذبده - بصله مقطعه مكعبات- كوب فلفل الوان - كوب جبن شيدر - كيس مكرونه فرن - كيلو لبن - 6 معالق ذبدة - 6 معالق دقيق - بيضه - ملح وفلفل

الطريقه

فى طاسه على النار نحط الذبدة والبصل لما يدبل نحط الفراخ والفلفل الالوان

والملح والفلفل ونقلب لمدة 10 دقائق

طريقه البشامل

فى حله على النار نضع الدقيق والذبدة ونقلب بالمضرب اليدوى حتى نحصل على خليط

بدون كتل ونضيف اللبن بالتدريج مع التقليب لحد ما نخلص كميه اللبن كلها

نتركه على نار متوسطه حتى الحصول على الكثافه المطلوبه

لما يبرد نضيف البيضه والملح والفلفل ونقلب بسرعه (عشان البيضه متستويش فيه)

المكرونه :

نسلقها فى ماء به ملح لمدة 10 دقائق يعنى نشلها تكون مستوتش على الاخر

هنجيب صينيه الفرن نحط فيها شويه بشامل ثم شويه من المكرونه وعليها الفراخ

وبعدين باقيه المكرونه وكل البشامل من فوق و نهز الصينيه عشان البشامل ينزل للطبقات اللى تحت وعلى الوش نحط الجبينه الشيدر المبشورة

توضع فى فرن على درجه 200 لمدة 20 الى 25 دقيقه

[ندعوك للتسجيل في المنتدى أو التعريف بنفسك لمعاينة هذه الصورة]

بطاطس فريسكس

المكونات

بطاطس مقطعة صوابع ومسلوقة فى ماء بيغلى لمدة 5دقائق - 2معلقة ص بصل بودر - م ص توم بودرة -3معالق كورن فليكس - 2 باكيت فيجيتار - ملح وفلفل -معلقه بيكنج بودر

الطريقة

بعد سلق البطاطس نسبها تبرد - نقلب كل المكونات مع بعض
نضع فيها البطاطس ونسبها نص ساعة ثم نحمرها فى زيت عميق

[ندعوك للتسجيل في المنتدى أو التعريف بنفسك لمعاينة هذه الصورة]